Probiotics : ప్రొబయోటిక్స్ అనేది మన ఆరోగ్యాన్ని మెరుగుపరిచే సూక్ష్మ‌జీవుల సముదాయం. ఇవి మన జీర్ణాశయంలో సహజసిద్ధంగా నివసించే మంచి బ్యాక్టీరియా (Good Bacteria), ఫంగస్ వంటి సూక్ష్మజీవులు. కొన్ని ఆహార ప‌దార్థాల్లో ఇవి పుష్కలంగా ఉంటాయి. జీర్ణక్రియను మెరుగుపరచడం, శరీరంలో వ్యాధికారక బ్యాక్టీరియాను నియంత్రించడం, శరీర రోగనిరోధక వ్యవస్థను బలపరచడంలో ప్రొబయోటిక్స్ (Probiotics) ఆహారాలు కీల‌క‌పాత్ర పోషిస్తాయి.
వ్యాధుల‌ను ద‌రిచేర‌నివ్వ‌ని Probiotics
కాలంతోపాటే మాన‌వ జీవ‌నశైలి కూడా మారుతోంది. ఆహారపు అల‌వాట్లు కొత్త పుంత‌లు తొక్కుతున్నాయి. ముఖ్యంగా ప్రాసెస్డ్, నిల్వ ఉన్న ఆహారాన్ని తీసుకోవడం ఫ్యాష‌న్ అయిపోయింది. దీంతో జీవ‌నక్రియ‌య సమస్యలు పెరుగుతున్నాయి. దీంతోపాటు అనేక రోగాలు ద‌రిచేరుతున్నాయి. ఇలాంటి హానిక‌ర ఆహారపు అల‌వాట్ల‌ను మానుకుంటేనే ఆరోగ్యంగా ఉంటామంటున్నారు వైద్య నిపుణులు. ప్రొబయోటిక్స్ ఫుడ్ తీసుకుంటే వ్యాధుల‌కు దూరంగా ఉంటామ‌ని అంటున్నారు.
రోగాల నుంచి ర‌క్ష‌ణ
ప్రొబయోటిక్స్ జీర్ణ వ్యవస్థను సమతుల్యంలో ఉంచుతాయంటున్నారు వైద్య నిపుణులు. జీర్ణాశయంలోని ఆరోగ్యకరమైన బ్యాక్టీరియా వృద్ధి చెంది రోగనిరోధక శక్తి పెరుగుతుంద‌ని వివరిస్తున్నారు అంటున్నారు. వ్యాధికారక సూక్ష్మజీవులను అడ్డుకొని శరీరాన్ని రోగాల నుంచి ర‌క్ష‌ణ క‌ల్పిస్తాయి. పేగుల్లోని ఆరోగ్యకరమైన బ్యాక్టీరియా పెరిగి, అజీర్తి, గ్యాస్ వంటి సమస్యలు తొలిగిపోతాయి.
ముఖ్యంగా ఏయే స‌మ‌స్య‌లంటే..
- చర్మ సంబంధిత సమస్యలను తగ్గించడంలో కొన్ని ప్రొబయాటిక్స్ ఆహారాలు సహాయపడతాయి. ఈ ఆహారాలు చర్మానికి అవసరమైన పోషకాలు అందించి, శరీరాన్ని తేజోవంతం చేస్తాయి.
- ప్రొబయాటిక్స్ ఆహారాలు మానసికోల్లాసానికి దోహదపడతాయి. మాన‌సిక రుగ్మ‌త నుంచి కాపాడ‌తాయి. మాన‌సిక ఒత్తిడిని తగ్గిస్తాయి.
- ప్రొబయాటిక్స్ ఆహారాలు జీర్ణక్రియను మెరుగుపరచి, శరీరంలో కొవ్వు నిల్వలను తగ్గించడంలో సహాయపడతాయి. దీంతో బరువును సమతుల్యంలో ఉంచుకోవచ్చు.
Probiotics క‌లిగిన ఆహారాలు కొన్ని..
- పెరుగు (Curd): ప్రొబయాటిక్ ఆహారంలో పెరుగు ప్ర‌ధాన‌మైన‌ది. ఇది పేగుల ఆరోగ్యానికి మంచిది. రోజూ పెరుగును ఆహారంగా తీసుకుంటే జీర్ణక్రియ సమస్యలు తగ్గుతాయి.
- బట్టర్ మిల్క్ (Buttermilk): బట్టర్ మిల్క్‌లో ప్రోటీన్, క్యాల్షియం సమృద్ధిగా ఉంటాయి. వేసవిలో బట్టర్ మిల్క్ తాగడం శరీరానికి ఉత్సాహాన్నిస్తుంది.
- కొంబుచా (Kombucha): కొంబుచా అనేది ఒక గడగడలుగా ఉండే పానీయం. ఇది ఆరోగ్యకరమైన బ్యాక్టీరియా, ఈస్ట్ కలిగి ఉంటుంది. ఇది జీర్ణాశయ ఆరోగ్యాన్ని మెరుగుపరచడంలో ఎంతో ఉపయోగకరంగా ఉంటుంది.
- ఇడ్లీ, దోస (Idli, Dosa): ఇడ్లీ, దోసలాంటి ఆహారాలు ఫెర్మెంటెడ్ రైస్, మిన‌ప్ప‌ప్పుతో తయారు చేస్తారు. ఇవి సహజంగా ప్రొబయోటిక్స్‌ను కలిగి ఉంటాయి.
- పికిల్స్ (Pickles): ఆవ‌కాయ త‌దిత‌ర ప‌చ్చ‌ళ్లు కూడా ప్రొబయోటిక్స్ కలిగి ఉంటాయి. అయితే.. ఇవి మోతాదుకు మించి ఉప్పు గానీ, నూనె గానీ కలిగి ఉండొద్దు.
- అప్పం (Appam): అప్పం అనేది దక్షిణ భారత సంప్ర‌దాయ ఆహారం. ఇది జీర్ణక్రియకు సహాయపడే ప్రొబయోటిక్స్ కలిగి ఉంటుంది.
- సోయా ప్రోడక్ట్స్ (Soy Products): సోయా ఉత్పత్తులు కూడా సమృద్ధిగా ప్రొబయోటిక్స్ క‌లిగిన ఆహారం.
- తృణధాన్యాలు (Cereals ): తృణధాన్యాలు కూడా ప్రొబయోటిక్స్ క‌లిగిన ఆహారం. వీటిని క్ర‌మం త‌ప్ప‌కుండా తీసుకుంటే అనేర రోగాల నుంచి విముక్తి పొందొచ్చు.
ప్రొబయోటిక్స్ (Probiotics) ఆహారాలు.. జాగ్రత్తలు
అధిక మోతాదులో ప్రొబయోటిక్స్ తీసుకోవడం కొన్నిసార్లు అన‌ర్థాల‌కు దారి తీస్తుంది. త‌ల‌నొప్పి లేదా అలసటకు కార‌ణ‌మ‌వుతాయి. పరిమిత మోతాదులో తీసుకుంటేనే మంచిది. ఈ ఆహారం తీసుకున్న‌ప్పుడు కడుపు నొప్పి, విరేచనాలు వంటి సమస్యలు ఉంటే డాక్ట‌ర్‌ను సంప్ర‌దించాలి.. మంచిది.
రోజు వారీ డైట్‌లో Probiotics ఎలా తీసుకోవాలంటే…
ప్రొబయోటిక్స్ ఆహారాలను రోజువారీ డైడ్‌(Diet)లో చేర్చడం చాలా సులభం. ఉదయం అల్పాహారంగా ఇడ్లీ, దోస వంటి ఫెర్మెంటెడ్ ఆహారాలు తీసుకోవచ్చు. మధ్యాహ్నం భోజనానికి పెరుగు, రాత్రి బట్టర్ మిల్క్ (మజ్జిగ) తీసుకోవడం ద్వారా శరీరానికి అవసరమైన ప్రొబయోటిక్స్ అందుతాయి.
పోషకాహార లోపంతో బాధపడేవారిలో అంటువ్యాధులు, ఇతర అనారోగ్య సమస్యలు అధికంగా ఉంటాయి. వీరిలో రోగనిరోధక శక్తి సామర్థ్యాల‌ను తక్కువగా ఉండటమే ఇందుకు కారణం. మనం తీసుకునే ఆహారం రోగనిరోధక వ్యవస్థ‌పై ప్రభావాన్ని చూపిస్తాయి. ముఖ్యంగా ఆరోగ్యంగా ఉండేందుకు ప్రొబయోటిక్స్ వంటి కొన్ని ఆహారాలు దోహదపడతాయి. కాబ‌ట్టి.. ప్రొబయోటిక్స్ ఆహారాలను నిత్యం తీసుకుంటూ ఉంటే ఆరోగ్యకరమైన జీవితాన్ని గ‌డ‌పొచ్చు.
